Al altu la lleva. Falamos con María Xosé Rodríguez

Un cursu más, entamamos temporada d’ “AL ALTU LA LLEVA”, y facémoslo con un xiru nos conteníos, porque esti añu abrimos los nuesos micrófonos pa dar voz a persones que, d’una manera o d’otra, tán trabayando pola llingua y la cultura asturianes.
La nuesa primer invitada ye María Xosé Rodríguez, bien conocía pol so llabor al frente de la Oficina de Normalización Llingüística del Conceyu de Xixón, que dende va ventitrés años participa nel impulsu de numberoses iniciatives de promoción del asturianu dirixíes a tola ciudadanía y, mui especialmente, a la comunidá educativa. Ente elles destaquen los “Alcuentros de la Llingua”, una propuesta yá consolidada que lleva años averando la llingua asturiana a miles d’escolinos y escolines.
Con Maria Xosé falamos del llabor que desendolca la Oficina, de los retos actuales de la normalización llingüística n’Asturies y de los desafíos y oportunidaes qu’afronta güei la nuesa llingua de cara al futuru.

Programa presentáu por Marco Núñez y Mario Sánchez de 4º ESO, cola ayuda de los profesores Laura Iglesia y Luis Llano